10/9/15

Primeres sesiones de SienteLes: Fiestes, ociu y cultura llésbica n'Uviéu

De manera quincenal, dos xueves al mes axuntaremos nel pub Les Tres Roses d'Uviéu con actividaes d'ociu activu, sanu, risonderu y cultural entamaes poles moces de XEGA XOVEN.

Queremos conocenos, prestanos, averanos y asina forxar les redes que nos falten... Pa ser una de tantes, pa falar en persona, pa entemecenos y, de camín, ¡deprender milenta mundos nuevos!

La tarde-nueche del xueves 10 de setiembre de 2015 vamos tener una selección de música especial d'artistes femenines, xuegos ruempexelos, una rifa de xuguetes eróticos ente rises y ¡lo que surda!

Ve pa'l barriu d'Oteru, reconquista'l to espaciu y conoz xente como tu so/sobre/al llau/nel arcu la vieya.

Nesti día namá se dexa la entrada a muyeres, ensin qu'eso signifique qu'a los nuesos queríos rapazos querámoslos menos. Namás precisamos un espaciu nuesu, yá que nun se nos ofrez d'otra forma... Vamos ver cómo funciona, vamos ver si nos presta, y entós vamos saber si ye importante o non.

Más información en Facebook y en Twitter.

El pub Les Tres Roses atópase na cai Oteru 3 d'Uviéu.


Cartel