7/11/15

XEGA manifestóse tamién contra les violencies machistes el #7N

El siete de payares de 2015, a les 13:00 hores, muyeres, homes y colectivos de tol Estáu español manifestámosnos xuntxs en Madrid para pidir que la llucha contra les violencies machistes sea asumida como una cuestión d'Estáu.

XEGA, colectivu de lesbianes, gais, tresexuales y bisexuales d'Asturies, participó n'esta marcha. Xunto a les sos organizadores, convidamos a tola sociedá civil a participar na mesma yá que la erradicación de les violencies machistes ye un asuntu que nos toca a toes y toos.

Autocares y trenes dende Asturies

Delles entidaes asturianes fletaron autocares pa baxar a Madrid el sábadu siete. Los Conseyos de la Mocedá d'Asturies, la Plataforma Feminista d'Asturies o Muyeres En Llucha de la Corriente Sindical d'Izquierdes (CSI) fueron algunes d'elles.

Descuentos p'activistes de XEGA

Lxs activistes de XEGA que lo quixeron tuvieron un descuentu de 5,00€ nel billete d'ida y vuelta (15,00€ en vez de 20,00€) nel autocar fletáu por Muyeres En Llucha de la CSI. Horarios, trayectu y formes de contactu nesta imaxen:

Cites previes en Madrid

  • Los colectivos asturianos concentráronse a les 11:00 delantre la Embaxada de Letonia, na cai Alfonso XII 52.
  • Los colectivos LGTB+ van concentráronse a les 11:30 delantre de Caixa Fórum, nel Paséu del Prado 36.

Pancarta de XEGA

Pancarta de XEGA na Manifestación del #7N de 2015 en Madrid.

Semeyes

Vídeo


Manifiestu

El movimientu feminista denuncia que les violencies machistes afiten de la más xabaz de les maneres la desigualdá de xéneru, y suponen la más grave violación de los Derechos Humanos de les muyeres que tien la nuesa sociedá.

Dende l'añu 1995, 1.378 muyeres fueron asesinaes pol terrorismu machista. No que va d'añu son yá 70 feminicidios y otros asesinatos de muyeres fechos por homes: Namás pel branu de 2015 quitaron-yos la vida a 37 muyeres y ocho menores pola acción de les sos pareyes, sos pas o pareyes de so ma. Muyeres y menores sufren violencia patriarcal d'abondes formes. Y esto ye namás que la punta l'iceberg.

Nos últimos años vienen dándose de contino bonos taragaños nos recursos públicos xenerales, nos derechos sexuales y nos derechos reproductivos, recortes na interrupción voluntaria del embarazu de les menores de 16 y 17 años y taragaños nos recursos propios contra les violencies machistes. La sociedá patriarcal faimos culpables ensin que la sociedá, los medios de mases y los poderes públicos encarien los mitos misóxenos y antifeministes.

El movimientu feminista camienta que les violencies qu'esisten en delles estayes asoceden nuna sociedá que tolera la desigualdá y que-y quita credibilidá y autoridá a les muyeres. El machismu afala la nuesa desvalorización, la cosificación de los nuesos cuerpos y la falta respetu a les nueses decisiones. Amás, estes agresiones van al empar de les que sufren les persones que nun respuenden a la masculinidá hexemónica.

Poro, el movimientu feminista entama la Marcha contra les violencies machistes el siete de payares pa esixir:
  • Que la llucha contra'l terrorismu machista seya una cuestión d'estáu.
  • Que vaya desendolcándose y afitando'l Conveniu d'Estambul y el cumplimientu de lo que ta afalándose de la CEDAW, y se igüe la llei 1/2004 pa que tean asoleyaes toles formes de violencia contra les muyeres.
  • Que tola sociedá y les sos organizaciones y muérganos comprométanse nesta llucha.
  • Que la llucha y los recursos garren tamién dientro, tanto la violencia que fai la pareya o expareya, como les agresiones sexuales, l'acosu sexual na estaya llaboral, la trata col envís de facer explotación sexual/llaboral de muyeres y neñes y toles violencies machistes.
  • Que tolos muérganos de gobiernu comprométanse dafechu na prevención y la igua de les violencies machistes, asina como na asistencia y igua de toles muyeres en situación de violencia, dixebrando la situación alministrativa na que tean les muyeres nesi momentu.
  • Que l'acentu asítiese na protección de les afectaes, dándo-yos salíes diferentes qu'impliquen qu'aliquen de verdá económica y socialmente, al igual que los sos fios y fies.
  • Que la prevención seya una política cimera que tenga un sistema coeducativu en tolos ciclos, la formación específico pa tol personal profesional qu'intervién nos procesos, los medios de comunicación, la producción cultural y la sociedá civil na llucha contra les violencies machistes.
  • Que los medios de comunicación faigan el compromisu de da-y un tratamientu afayaízu a les diferentes formes de violencies machistes, dándo-yos visibilidá, y quitándo-y el sensacionalismu morbosu nel so tratamientu y usando una fala y unes imáxenes non sexistes.
  • La eliminación de la custodia compartida impuesta y el réxime de visistes a los menores de los maltratadores condergaos. Quita-yos y nun da-yos la patria potestá a los maltratadores.
Tomemos conciencia agora, que'l machismu mata, fai imposible la convivencia qu'hai qu'esixir nuna democracia.

Tamos equí presentes pa facer un llamáu a cada persona, a cada institución, a cada partíu políticu, a cada gobiernu pa nun ser cómplices d'esta barbarie xabaz.

La mitá la humanidá tien que siguir viviendo, nun podemos permitir nengún asesinatu más.