30/11/15

VI cursu de mediadores del Grupu d'Educación de XEGA

Hai 10 años que XEGA intervién nos IES públicos asturianos con un taller sobre diversidá de xéneru y d'orientación col oxetivu de prevenir l'acosu escolar. Los prexuicios y los estereotipos impiden a lxs adolescentes lesbianes, gais, tresexuales y bisexuales (LGTB) asoleyase como tales porque les respuestes, casi siempre, son agresiones verbales y/o físiques, humillaciones que lleven inclusive a la muerte.

L'oxetivu de los talleres ye romper con estos prexuicios y estereotipos. Tresmitir información sobre la realidá LGTB y caminar hacia la normalización.

Programa

Sábadu 30 de payares de 2015
  • 10:00 - 12:00 Conceptos básicos sobre orientación y identidá de xéneru. Desplicación y desendolcu del cuadru de conceptos que se desplica nes aules
  • 12:00 - 12:30 Cafetín
  • 12:30 - 14:00 Introducción a la hestoria de la LGTBfobia. ¿Cómo foi considerao'l fecho LGTB a lo llargo de la hestoria?
  • 14:00 - 16:00 Comida "de traxe": Yo traigo, tú traes... Nosotrxs compartimos
  • 16:00 - 18:00 Materiales didácticos y audiovisuales pa trabayar la LGTBfobia nel aula. Recursos, ferramientes y mediación. ¿Cómo se trabaya'l tema LGTB con adolescentes? Lo que tenemos que tener en cuenta

Llugar

Centru social La Llume, atópase na Cai Nava 1 (esquina Avenida Portugal) de Xixón.

Ensin cuotes nin inscripción previa

El cursu ye de baldre y nun se precisa inscripción previa. Sí van emitise certificaos d'asistencia.

Más información

Pa más información: info@xega.org

Cartel

Cartel del VI cursu de formación de mediadores de XEGA.