9/8/16

El Topu Fartón 2016, otru añu énte la Casa Conceyu d'Uviéu

Como yá sabéis, XEGA forma parte del Llar Solidariu al pie de SOS Racismu Asturies y la Xunta pola Defensa de la Llingua Asturiana. El Llar Solidariu ye un espaciu autoxestionáu dende'l que defendemos valores d'igualdá, de solidaridá, de llibertá, de xusticia y de paz, que son tresversales a les nueses organizaciones.

19/3/16

Concentración en Xixón pa conmemorar el «Día de la visibilidá trans»

Nel «Día de la visibilidá trans» conmemórase l'aniversariu de la aprobación de la Lleyi d'Identidá de Xéneru n'España. Les persones tresexuales siguen siendo les más desconocíes dientro'l colectivu LGTB, resultando ser les más vulnerables a la discriminación. La Organización Mundial de la Salú entá considera la tresexualidá una enfermedad mental, como consideraron trestornu la homosexualidá hasta 1990, suponiendo una llosa sobre la igualdá de les diversidaes de xéneru.

12/3/16

Charra-alderique: «Principales problemátiques sufiertes y percibíes poles llesbianes nel Estáu español»

Nel marcu de les actividaes que delles organizaciones feministes van desenvolver n'Asturies pa celebrar el Día internacional de les muyeres, TríbadAS, estaya de muyeres de XEGA, entama al pie de la Plataforma Feminista d'Asturies una charra-alderique que, col títulu «Principales problemátiques sufiertes y percibíes poles llesbianes nel Estáu español», va tener llugar el sábadu cinco de marzu de 2016 a les 18:30 hores nel centru social autoxestionáu La Llume (cai Nava 1, Xixón).