12/3/16

Charra-alderique: «Principales problemátiques sufiertes y percibíes poles llesbianes nel Estáu español»

Nel marcu de les actividaes que delles organizaciones feministes van desenvolver n'Asturies pa celebrar el Día internacional de les muyeres, TríbadAS, estaya de muyeres de XEGA, entama al pie de la Plataforma Feminista d'Asturies una charra-alderique que, col títulu «Principales problemátiques sufiertes y percibíes poles llesbianes nel Estáu español», va tener llugar el sábadu cinco de marzu de 2016 a les 18:30 hores nel centru social autoxestionáu La Llume (cai Nava 1, Xixón).

La charra va ser impartida por Conchi Unanue Cuesta, profesora na UNED y l'Universidá de Llión y socióloga especializada en discriminación y llesbianismu. L'alderique posterior va ser moderáu por Yosune Álvarez, Coordinadora de TríbadAS y XEGA. La tarde d'actividaes va siguir cola intervención d'Alba .G (Poesía trans, queer, bollera, puta) y el conciertu de Latxusma.

Collaboración solidaria de 2€.

Llugar

Centru social autoxestionáu La Llume, atópase na cai Nava 1 (esquina Avenida Portugal) de Xixón.

Cartel