22/6/18

Llega'l branu y torna DIVERSIPRO

XEGA edita de nuevu la esitosa campaña d'acción sociosanitaria «DIVERSIPRO». Nesta ocasión va cuntar cola collaboración del Grupu de Salú del Conseyu de Mocedá de Xixón (CMX) pa ameyorar la distribución.

DIVERSIPRO preséntase n'una caxa que contien recursos didácticos para fomentar el respetu a la Diversidá, amenorgar los niveles de LGTBfobia, prevenir la tresmisión del VIH y otres ITS y amenorgar la estigmatización que sufren les persones que viven col VIH.

La caxa tamién contien un preservativu pa fomentar el so usu sistemáticu y consistente en toles rellaciones sexuales y una monodosis de llubrificante pa que les práctiques sían más segures y confiaes.

Amás, con esta campaña incentívase la realización de la prueba rápida del VIH y l'acercamientu del colectivu LGTB+ asturianu a les entidaes sociales y sanitaries, públiques y privaes, de la so redolada.