10/10/18

OCHOBRE TRANS. Actividaes n'Asturies

Como cada mes d'ochobre dende'l 2007, los colectivos trans llevantámonos pa reclamar los nuesos derechos, pa poder reconstruyir la dignidá y la llibertá de les persones nen so derechu d'autodetermín del xéneru. Esti añu, con mayor clamor tres la decisión de la Organización Mundial de la Salú (OMS) de quitar, por fin, la tresexualidá del capítulú de trestornos mentales, como lo ficiera cola homosexualidá.

Ye'l momentu de facer respetar el derechu a la igualdá y la llibertá de toles persones, independientemente de la so orientación sexual, identidá o espresión de xéneru, reconocios pola Declaración Universal de los Derechos Humanos, la Carta Europea de Derechos Humanos y la Carta de Derechos Fundamentales de la Xunión Europea.

Pero sobre too, ye'l momentu d'aprobar La Llei del Principáu d'Asturies de garantía de derechu a la llibre expresión de la identidá sexual y/o xéneru, que actualmente atópase "aparcada".

Por eso, n'esti OCHOBRE TRANS, XEGA y Transire vamos salir a la cai'l llunes 15 d'ochobre pa concentranos a les 18:30 en Xixón, na Plaza Mayor, y'l vienres 20 d'ochobre, tamién a les 18:30 n'Uviéu, na Plaza del Ayuntamientu, pa reclamar a tolos grupos políticos con representación na Xunta Xeneral del Principáu aprueben finalmente esta llei y se restituyan y se protexan los derechos de la comunidá trans tanto nes árees de sanidá ya integración llaboral como que s'estableza un protocolu de protección de menores trans y s'erradique la situación de violencia y esclusión estrema a la que se ven espuestos.

Más actividaes

Transire y l'Ayuntamientu d'Uviéu, cola collaboración de XEGA y La Caja, programaron un OCHOBRE TRANS enllenu de cultura, alderique y reivindicación:
  • Vienres 12, 18:00. Roberta Marrero va presenter el so llibru nuevu «We Can Be Heroes». Palaciu de Congresos d'Uviéu (Cai Arturo Álvarez Buylla, ver mapa).
  • Sábadu 13, 18:00. Elsa Ruiz va facenos riír con un monólogu fantásticu. Palaciu de Congresos d'Uviéu (Cai Arturo Álvarez Buylla, ver mapa).
  • Domingu 14, 18:30. Mesa redonda sobre llexislación trans na que van participar Janni, activista de Transire, Mané Fernández, activista de XEGA, y Aitzole Araneta, sexóloga y activista. Local Cambalache (Cai Martínez Vigil 30 d'Uviéu, ver mapa).
  • Llunes 15, 18:30. Concentración ciudadana convocada por XEGA y Transire na Plaza Mayor (Plaza l'Ayuntamientu) de Xixón pola despatoloxización de la tresexualidá (ver mapa).
  • Sábadu 20, 18:30. Concentración ciudadana convocada por Transire y XEGA na Plaza la Constitución (Plaza l'Ayuntamientu) d'Uviéu pola despatoloxización de la tresexualidá (ver mapa).
  • Sábadu 20, 23:00. Transire va celebrar la so primer fiesta en La Caja (Cai Jesús 12 d'Uviéu, ver mapa) con bona música y'l meyor ambiente.
Toles actividaes son de baldre y van facese n'espacios accesibles.

    Cartel